‘हामी जनतालाई रोग र भोकले मर्न दिदैनौ’–यमुना घर्ती

  
दैनिक अभियान शुक्रबार, जेष्ठ २३, २०७७

दाङको बंगलाचुली गाउँपालिका उप–प्रमुख यमुना घर्ती संग दैनिकअभियान डटकमका लागि पत्रिकाका प्रधान–सम्पादक आजाद खड्काले लिएको ताजा अन्तरवार्ता–सम्पादक

यमुना जी यहाँलाई दैनिक अभियानको अन्तर–संवादमा स्वागत छ ।

धन्यवाद हजुर र हजुरको पत्रिकालाई

लकडाउले बंगलाचुलीमा के कस्तो असर पारेको छ ?

यहाँ सबैभन्दा यी असार मसान्त आईसकेको छ । मान्छेहरुले योजनाको कामहरु गर्न पनि कठिनाई भैइरहेको छ । योजनाको कामहरु पुरै रोकेका त छैनौ । तर पनि घोराहीबाट पास लेउन अलि कठिनाई भैरहेको छ । यो पहाडि भुगोल हो । यहाँ खाद्या पदार्थको उत्पादन कम हुन्छ, सबै कुरा हामीले घोराहीबाट ल्याएर खानु पर्ने हुन्छ । आवत जावत कम हुने र बजार पनि नखुल्ने भयको हुँदा खानपिनको समस्या भयको छ । विभिन्न रोगका विरामीहरुले समयमा उपचार पाईरहेका छैनन् । यहाँ प्राथमिक उपचारत हो,अलि गम्भिर उपचार गर्नु पर्यो भने घोराही पुग्नु पर्ने हुन्छ । तल जान सक्ने अवस्था पनि छैन । यी कारणहरुले हाम्रो पालिकालाई केहि प्रभाव पारेको छ ।

तपाईको पालिकाको जनसंख्या र घरधुरी संख्यावारे हजुरलाई यकिन छ ?

हाम्रो गाउँपालिकाको कुल जनसंख्या चौविस हजार दुई सय पैतालिस रहेको छ । हाम्रो गाउँपालिकामा कुल घर धुरी संख्या चार हजार ७ सय तिस रहेको छ ।

लकडाउनका कारण विपन्न वर्गले मजदुरीको भरमा बाच्ने त्यस्ता मानिसहरुको संख्या कति छ , हजुरहरुलाई यकिन छ ?

हाम्रो गाउपालिकामा विपन्न जस्ले श्रम गरेर मात्र खान वाध्य छन उनिहरुको संख्या अहिलेसम्म ८ सय यकिन गरियको छ । थप दुई जनामा हुनसक्ने अनुमान छ । त्यस्ता मानिसहरुलाई पालिकाले स्वंयम आउन भनि रहेका छौ । अहिलेसम्म ८ सय घरधुरीलाई छ नम्बर चामलका दरले राहत वितरण गरेका छौ ।

आठसय घरधुरी संख्यालाई राहत वितरण कसरी गर्नु भयो ?

हामिले छ लम्बरका दरले चामल वितरण गरेका छौ ।

एक पटक दियको चामलले अहिलेसम्म पुग्यो ?

हामीले दुई तिन लट बाँडि सक्यौ प्रधानमन्त्री रोजगार कार्यक्रममा पनि जोडिरहेका छौ । त्यसैले पनि केहि राहत भयको छ । अलि अलि योजनाको कामहरु गर्नेतिर पनि लागिरहेको छ । त्यस्ता पनि विपन्न वर्गलाई मजदुरि गरिखाने बाटो भयको छ । लास्टै छाक बसेको अबस्थामा रहेकाहरु सम्बन्धित वडामा आउनु हुन्छ र वडा अध्यक्षले यहाहरुको कुरा सुनेर समस्या समाधान गर्नुहुन्छ ।

वैठकबाट निर्णय गरेर राहत वितरण गर्नुहुन्छ कि वडा अध्यक्षको तजविजबाट वितरण हुन्छ ?

हामीले गाउँपालिका तहबाट निर्णय गछौं । अनि सोहि बमोजिम वडा अध्यक्षले वितरण गर्नु हुन्छ ।

खाद्यान्न अभावका कारण त्यहाँका मानिसहरु समस्यामा पर्दैनन भनि बुझ्दा हुन्छ ?

त्यस्तो होईन । अहिले सम्म हामीहरुले त्यस्तो हुन दिएका छैनौ । समस्या त थुप्रै छन् । तर हामीले अहिले सम्म भोकै मर्ने अवस्था आउँन दिएका छैनौ ।

स्वास्थ्य उपचारका दृष्टिले असाध्यै कठिनाई भएको स्थिति छकि छैन ?

सवै भन्दा डेलिभरीमा समस्या देखिन्छ । अलिअलि हुने खाने मान्छेहरुले त आफै गाडि मगाएर पनि समाधान गर्नु भएको छ । तर विपन्न वर्गलाई अलि समस्या हो । त्यस्ता मानिसहरुलाई समस्या आयो भने हस्पिटल सम्म पु¥याउँने जिम्मा गाउँपालिकाले लिएको छ । उनिहरुलाई गाउँपालिकाको एम्बुलेन्स मार्फत निशुल्क पु¥याएको छौ । मैले सवै भन्दा मुख्य समस्या डेलिभरीकै देखेकि छु ।

त्यहाँबाट रिफर भई घोराही उपचारमा आउने विरामीहरु सेवा सुविधाबाट बञ्चित हुनु परेको त छैन नी ?

त्यस्तो भएको त केहि छैन ।

अव वजेट अधिवेशन हुन र वजेट भाषण पनि गर्ने होला, कहिले गर्ने सोच्नु भएको छ ?

समय आउँदैछ । वडाभेलाहरु गर्न बाँकि छ । योजना तर्जुमा गर्न बाँकि छ । क्वारेन्टिनमा भएका जतिलाई स्वाव संकलन गरी पी.सी.आर.जाँच नगर्दा सम्म वजेट अधिवेशन तथा योजना तर्जुमा गर्न सक्ने अवस्था छैन । क्वारेन्टिनमा वसेका जति सवैलाई जाँच गरेर नेगेटिभ जतिलाई घर पठाउँने र पोजेटिभ जतिलाई आइसोलेसनमा राखेर मात्र अधिवेशन गर्ने तयारी गरिरहेका छौं । सामाजिकदुरी कायम गरेर कामकाजलाई अघिबढाउँने पक्षमा छौं । आर्थिक वर्ष २०७६/२०७७को योजनाहरुको फागुनमै भुक्तिानी गरि सकेका थियौ । त्यस कारण सहज भएको हो ।

क्वारेन्टिमा वसेका विरामीहरुलाई आरडिटि परिक्षण गर्नु हुन्छ कि पि.सि.आर. जाँच हुने हो ?

हामीले धेरै जसोको पी.सी.आर. गरेका छौं । उन्सट्ठी जनाको आर.डी.टी. भएको छ । पाँच सय नब्बे जनाको पी.सी.आर. भएको छ । हिजो र आजको तथ्याङ्क लिन बाँकि रहेको छ ।

पीसीआर गरेको रिपोर्ट कति समयमा आउछ ?

पीसीआर रिपोर्ट घोराहीको राप्ती स्वास्थ्य विज्ञान प्रतिष्ठानबाट आउने हो । कहिले २, ३ वा ४ दिन लाग्छ ।

अहिले सम्म क्वारेन्टिनबाट नेगेटिभ देखिएर कति जना घर जानु भएको छ ?

अहिले सम्म क्वारेन्टिनबाट एउटा विद्यालयमा वसेका एकसय विस जना र अर्को विद्यालयमा वसेका सोह् जना गरी कुल एकसय छत्तिस जना सवैकोे रिपोर्ट नेगेटिभ आएपछि उहाँहरुलाई घर पठाएका छौ ।

एउटा क्वारेन्टिमा केहि जनाको पोजेटिभ र केहि जनाको नेगेटिभ रिपोर्ट आएमा उनिहरुको सहि व्यवस्थापन कसरी गर्नु हुन्छ ?

धेरै जना मध्ये केहिजना पोजेटिभ र केहि जनाको नेगेटिभ रिपोर्ट आयो भने पोजेटिभ जतिलाई आइसोलेसनमा र नेगेटिभ रिपोट आएका जतिको पुनःजाँच गरेर फेरी पनि नेगेटिभ रिपोर्ट आयो भने मात्र घर पठाउँने गरेका छौं । एकसय एकतिस जनाको रिपोट आज बेलुका आउँनेछ । आजको रिपोर्ट हेर्न बाँकि छ ।

गाउँपालिका अध्यक्ष/उपाध्यक्षहरुले के जिम्मेवारी लिनु भएको छ ?

सवै व्यवस्थापनको जिम्मा प्रशासन र विपद व्यवस्थापन एवं स्वास्थ्य शाखालाई दिएका छौ । जनप्रतिनिधिहरुले आवश्यक व्यवस्थापकीय योजना निर्माण तथा नीतिगत निर्णयहरु गर्ने एवं आवश्यक वजेट विनियोजन गर्ने जस्ता अभिभावकिय नेतृत्व गरि रहेका छौ । साथै जनताका प्रत्यक्ष समस्याहरुको पहिचान र परिचालनको काम गरि रहेका छौ ।
आइसोलेसन अस्पतालका वेडहरु बढाउन कुनै योजनाहरु छन कि ति वेडहरु नै प्रयाप्त छन् ?

हामीले अहिले सम्म पचास वेडको आइसोलेसन सञ्चालन गरेका छौ । त्यस मध्ये चालिस वेड प्रयोगमा आएको छ । हामीसंग अब दश बेड प्रयोगमा आएको छैन । हामीले अझै दशबेट थप्ने योजना बनाएका छौ । हामीसंग वडा नं १ बोझ पोखरामा रहेको स्वास्थ्य केन्द्रको नयाँ भवन छ । त्यो भर्खरै एक डेढ बर्ष पहिले निर्माण गरेको हो । त्यो भवनमा वाइस कोठा रहेका छन् । त्यसैमा दश वेड थप्ने योजना बनाएका छौं ।

जनस्तरबाट लकडाउनको पालना कत्तिको भएको छ ?

जनता सवै साइलेन्ट छन् । चार नंवर वडामा सुरुमै चार जनालाई पोजेटिभ देखियो । त्यो वडामा माखा पनि घुम्दैन । अनि ५ नंवर वडालाई पुरै सिल गरिएको छ । त्यो वडामा कुनै मान्छे घुम्दैन । अन्य वडामा बजार जाने आउने कुनै चहलपहल पनि देखिदैन । अनि हप्ताको आईतवार, मंगलवार र शुक्रवार हामीसंग भएको साना वजारहरु खोलेर व्यापारीहरले जनतालाई आवश्यक सामानहरु उपलब्ध गराउनु भएको छ ।

हजुरको पालिकामा जेष्ठ नागरिक, गर्भवती तथा सुत्केरी महिलाहरुको संख्या र उनिहरुको स्वास्थ्य सुरक्षावारे के योजना बनाउनु भएको छ ?

जेष्ठ नागरिकहरुको संख्या हाम्रो पालिकामा ६ सय रहेको छ । गर्भवती महिला ४८ जना रहेका छन् र सुत्केरी महिलाहरुको संख्या १६३ जना रहेको छ । उनिहरुको स्वास्थ्य सुरक्षाबारे अरु त के गर्न सिकन्थ्यो र उनिहरुमा कोरोना सम्वन्धी सचेतना जगाउने, स्वास्थ्यकर्मीहरुको सम्पर्कमा रहने र पोषिलो आहार लिने भनेका छौं । अरु त्यस्तो केहि गरेका छैनौ । अव यसका वारेमा पनि थप योजना तत्काल बनाउने प्रयास गर्नेछौ ।
 

यो संकटको वेला प्रदेश सरकार , केन्द्र सरकारले कुनै आर्थिक सहयोग गरेको छ कि छैन ?

स्वास्थ्य सामाग्रीहरु हामी आफैले खरिद गरेका छौ । प्रदेश सरकार र केन्द्रिय सरकारले स्थानीय तहको लागि त्यस्तो कुनै पहल गरेको छैन । अहिले सम्म हामी आफैले मागेका पनि छैनौ । अहिले सम्म नमागे पनि अव माग गर्नुपर्छ भन्ने लागेको छ । माथिबाट कुनै सहयोग दिए लेउछौ । यदि सहयोग आएन वा दिइएन भने पनि हाम्रो गाउँपालीकाका जनतालाई भोक र रोगले मर्न दिदैनौ भन्ने वाचा गरेका छौ । हामीले त्यसलाई जसरी पनि पुरा गर्नेगरि तयारीमा जुटेका छौ ।

लकडाउनका सन्दर्भमा हजुरले आफ्ना जनतालाई मिडिया मार्फत केहि भन्न चाहाँनु हुन्छ ?

हजुर सम्पूर्ण बंगलाचुली गाउँपालिकाका जनताहरुलाई म के भन्न चाहाँछु भने यो अत्यन्तै महामारी र संकटको वेला हो । यस गाउँपालिकामा जति हुनुहुन्छ सुरुक्षित भएर वसी दिनु होला । लकडाउनको नियम पालना कडा मेहनतका साथ गरिदिनु हुन अनुरोध गर्दछु । हामी कदममा कदम मिलाएर मात्र यो महामारीलाई जित्न सक्छौ । त्यसैले सवैले आ–आफ्नो क्षेत्रबाट संघर्षमा टेवा पुग्ने गरी परिचालन हुनु पर्दछ ।

-हस यहाँले हामीलाई आफ्नो अमुल्य समय उपलब्ध गराई दिनु भएकोमा धेरै धेरै धन्यवाद

-यहाँ र यहाँको लोकप्रिय अनलाईन पत्रिका दैनिक अभियान डटकमलाई पनि धेरै धेरै धन्यवाद । मेरो विचार जनतामाझ स्पष्टरुपमा पु¥याउन सहयोग गर्नु भएको छ । यो पत्रिका निरन्तर अघि बढोस र जनता दैनिक आईपर्ने सुख–दुःख संग सहकार्य गरोस धन्यवाद !